Azərbaycan paracüdoçusu Xanım Hüseynova Misirin İsgəndəriyyə şəhərində keçirilən Qran-pri turnirində qızıl medal qazanıb.

Turnirdə 70 kiloqram çəki dərəcəsində mübarizə aparan təmsilçimiz bütün rəqiblərini məğlub edəcək fəxri kürsünün ən yüksək pilləsinə qalxıb.

Bu gün ikiqat Paralimpiya çempionu İlham Zəkiyev (+90 kq) qızıl, Dürsədəf Kərimova (+70 kq) isə bürünc medal uğrunda görüşə çıxacaqlar.

Qeyd edək ki, ötən gün Namiq Abaslı (73 kq) mötəbər turnirin qalibi olub.