Olimpiya mükafatçımız Paris-2024-ə qələbə ilə başladı

28 iyul 2024 841

Bu gün Paris-2024 Yay Oyunları çərçivəsində keçirilən boks yarışlarına start verilib.

Azərbaycan komandasının üzvü, Tokio-2020 Yay Olimpiya Oyunlarının bürünc medalçısı Alfonso Dominqes (92 kq) də Oyunlarda ilk görüşünə çıxıb. Mübarizəyə 1/8 final mərhələsindən başlayan dünya çempionumuzun ilk rəqibi ikiqat Olimpiya çempionu olan kubalı Xulio Sesar la Krus olub. Görüşü qələbə ilə başa vuran boksçumuz 1/4 finala vəsiqə qazanıb.

Boks yarışlarını Milli Olimpiya Komitəsinin vitse-prezidenti Çingiz Hüseynzadə, Gənclər və İdman naziri Fərid Qayıbov, nazir müavini Mariana Vasileva və MOK-un baş katibi Azər Əliyev izləyib.

Avqustun 11-dək davam edəcək Paris-2024-ün boks yarışlarında Azərbaycan komandası beş idmançı ilə təmsil olunur.