MOK-da sosial media platformasının inkişafı üzrə görüş olub
03 noyabr 2023 401
Azərbaycan Respublikası Milli Olimpiya Komitəsinin (MOK) sosial media xidmətinə dair yeni strategiyası və fəaliyyət planı barəsində görüş keçirilib.
MOK-un inzibati binasında keçirilən görüşdə qurumun beynəlxalq proqramlar idarəsinin müdiri Mehman Kərimov qeyd olunan mövzu haqqında məlumat verib. Daha sonra DMS Azerbaijan (Digital Marketing Solutions) şirkətinin icraçı direktoru Tahir Tahirli MOK-un gələcəkdə sosial media xidmətinin inkişafı, planları və strategiyaları barədə hazırladığı təqdimatla çıxış edib. Cari məsələlərin müzakirəsindən sonra iştirakçıların sualları cavablandırılıb.
Görüşdə MOK-un idman idarəsinin müdiri Həsənağa Rzayev, mətbuat katibi Murad Fərzəliyev, beynəlxalq əlaqələr idarəsinin müdiri Anar Bağırov, maliyyə direktoru Svetlana Abdullayeva, ümumi şöbənin müdiri Cəmaləddin Rəhmanov, marketinq şöbəsinin direktoru Səkinə Vəliyeva və digər əməkdaşlar iştirak ediblər.
İki ilə yaxındır ki, fəaliyyət göstərən DMS Azerbaijan (Digital Marketing Solutions) şirkəti sosial media xidməti, veb səhifələrin yaradılması və idarə olunması sahəsində ixtisaslaşıb. DMS şirkəti bu müddət ərzində Milli Olimpiya Komitəsi ilə əməkdaşlıq çərçivəsində Krakov 2023 Avropa Oyunları və Maribor 2022 AGOF kimi bir çox idman tədbirlərinin sosial media işlərini təşkil edib.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı