Kişilər arasında ACF turunun birinci yarışı keçiriləcək
18 aprel 2023 395
Azərbaycan Cüdo Federasiyası kişi cüdoçular arasında rəqabət səviyyəsinin artırılması, onların ustalığının yüksəldilməsi və yarış təcrübələrinin artırılması üçün bu ildən etibarən ACF turu adı altında yarışların keçirilməsini planlayır.
İlk belə yarış 19 aprel 2023-cü ildə baş tutacaq. Yarışda 26 klub, cəmiyyət və idman təşkilatından olan 100-dən çox cüdoçu 7 çəki dərəcəsində medallar uğrunda mübarizə aparacaq.
Yarışda aparıcı cüdoçulardan Nazir Talıbov, Rövşən Əliyev, Əhməd Yusifov (-60 kq.), Yaşar Nəcəfov, Kamran Süleymanov, Kəramət Hüseynov (-66 kq.), Nurlan Osmanov, Rəşid Məmmədəliyev, Nəriman Mirzəyev, Telman Vəliyev, İbrahim Əliyev (-73 kq.), Zelim Tçkayev (-81 kq.), Elcan Hacıyev, Vüqar Talıbov (-90 kq.), Adil Kərimli, Aslan Mirzəyev, Ruslan Nəsirli (-100 kq.) və Camal Qamzatxanov (+100 kq.) iştirak edəcəklər.
Qeyd edək ki, bu il üç belə turnirin keçirilməsi planlaşdırılır və bu yarışlar nəticəsində formalaşacaq reytinq siyahısında ilk yeri tutan idmançı 22-24 sentyabrda keçiriləcək Bakı Böyük Dəbilqə turnirinə vəsiqə qazanacaq.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı