Fransada keçirilən Dünya Çempionatında Azərbaycan təmsilçiləri növbəti dəfə buz üstünə çıxıblar
26 mart 2022 727
Martın 25-də Fransanın Montpellier şəhərində Fiqurlu Konkisürmə üzrə Dünya Çempionatında çıxışını davam etdirən atletimiz Yekaterina Ryabova sərbəst proqramda növbəti dəfə öz bacarığını nümayiş etdirib.
Atletimiz “Notre Dame de Paris” kompozisiyasının müşayəti ilə buz üstünə çıxıb. Münsiflərin qiymətləndirilməsinə əsasən Yekaterina 188.50 xal toplayaraq 9-cu yerdə qərarlaşıb.
Eyni zamanda martın 25-də digər təmsilçilərimiz Aleksandr Kolosovskiy və Yekaterina Kuznetsova da buz üstündə rəqs üzrə çıxış ediblər.
Çütlüyümüz 49.12 xal toplasalar da növbəti mərhələyə yüksəlmə şansını əldən veriblər.
Fiqurlu Konkisürmə üzrə Dünya Çempionatında iştirak edən təmsilçimiz Vladimir Litvintsevin sərbəst proqram üzrə son çıxışı martın 26-da baş tutacaq.
Qeyd edək ki, Fiqurlu Konkisürmə üzrə Dünya Çempionatı martın 27-ə kimi davam edəcək.
Bənzər xəbərlər
MOK və “Visa” şirkəti arasında tərəfdaşlığa həsr olunmuş mətbuat konfransı keçirilib
Azərbaycan Milli Olimpiya Komitəsi (MOK) və rəqəmsal ödəmələrdə dünya lideri ... Ətraflı
AGF Baham adaları Gimnastika Federasiyası ilə anlaşma memorandumu imzalayıb
Baham adaları və Azərbaycan Gimnastika Federasiyaları (AGF) arasında anlaşma memorandumu ... Ətraflı