Bədən Tərbiyəsi və İdman Gününə həsr edilmiş mədəni-kütləvi tədbir keçirilib

04 mart 2024 649

5 mart - Bədən Tərbiyəsi və İdman Gününə həsr edilmiş “İdman gimnastikadan başlayır” adlı mədəni-kütləvi tədbir keçirilib.

Tədbir zamanı müxtəlif gimnastika növlərindən ibarət nümunəvi çıxışlar olub.

Belə ki, gənc gimnastlar idman gimnastikası, akrobatika gimnastikası və bədii gimnastika növləri üzrə öz məharətlərini nümayiş etdiriblər.

Gənc gimnastlarla bərabər, veteran gimnastların çıxışları da xüsusi marağa səbəb olub.

Mərasim bədii hissə ilə davam edib.

Sonda isə iştirakçılar Bakı şəhər Gənclər və İdman idarəsi tərəfindən təşəkkürnamə ilə təltif edilib.

Qeyd edək ki, mədəni-kütləvi tədbir Bakı şəhər Gənclər və İdman İdarəsinin Səbail rayonu üzrə Gənclər və İdman sektoru, eləcə də İxtisaslaşdırılmış Olimpiya Ehtiyatları Uşaq-Gənclər Gimnastika Məktəbinin birgə təşkilatçılığı ilə keçirilib.