Avropa çempionu “Sabah” basketbol klubunun baş məşqçisi təyin olunub
30 yanvar 2024 134
Tanınmış basketbol mütəxəssisi, Olimpiya və Avropa çempionu Rimas Kurtinaytis “Sabah” komandasının baş məşqçisi təyin olunub.
63 yaşlı litvalı mütəxəssislə 1,5 illik müqavilə imzalanıb.
Avropa basketbol tarixinin ən yaxşı “shooter”lərindən hesab olunan Rimas Kurtinaytis oyunçu kimi “Jalgiris” (Litva), ÇSKA (Rusiya) və “Real Madrid” (İspaniya) klublarının şərəfini qoruyub.
Rimas Kurtinaytis üç dəfə Avropa Kubokunu qazanan yeganə məşqçi kimi adını tarixə yazdırıb. 2008-2009-cu illər mövsümündə “Letuvos Ritas” (Litva), 2011-2012 və 2014-2015-ci illər mövsümlərində isə “Ximki” (Rusiya) klubu ilə Avropa Kubokunun qalibi olub. O, 2010-2011-ci illər mövsümündə “Ximki” klubu ilə VTB Liqasının çempionu olub. Kurtinaytisin məşqçi kimi hesabında VTB Liqasında 100-dən çox qələbə var.
Litvalı basketbol mütəxəssisi 2002-2006-cı illərdə Azərbaycan millisi və Bakının “Qala” klubunun baş məşqçisi olub.
Bənzər xəbərlər
Mehriban Əliyeva 9 May - Faşizm üzərində Qələbə Günü münasibətilə paylaşım edib
Azərbaycanın Birinci vitse-prezidenti Mehriban Əliyeva sosial şəbəkə hesabında 9 May ... Ətraflı
Bu gün dörd güləşçimiz Paris-2024-ə lisenziya uğrunda mübarizəyə başlayır
Bu gün Türkiyənin İstanbul şəhərində Paris-2024 Yay Olimpiya Oyunlarına lisenziya ... Ətraflı