Avropa çempionatı: Azərbaycan güləşçisi ikinci olub
04 iyul 2024 102
Serbiyanın Novi Sad şəhərində güləş üzrə 20 yaşlılar arasında Avropa çempionatı davam edir.
Bu gün yunan-Roma güləşi üzrə mübarizəyə yekun vurulub.
Tural Əhmədov (60 kiloqram) təsəlliverici görüşdə yunanıstanlı İlias Zairakisə heç bir şans tanımayıb – 12:0. Həmyerlimiz həlledici qarşılaşmada ukraynalı Boqdan Xrişinə 3:1 hesabı ilə qalib gələrək Avropa üçüncüsü olub.
Fəraim Mustafayev (67 kiloqram) təsəlliverici görüşlərdə rumıniyalı İosif Yonesku (11:3) və belaruslu Vyaçeslav Jelayevə (10:1) tam üstünlüklə (10:1) qalib gəlsə də, bürünc medal uğrunda qarşılaşmada gürcüstanlı Rati Xozrevanidzeylə bacarmayıb – 0:11.
Ruslan Nurullayev (72 kiloqram) yunanıstanlı Arionas Kolitsopulosa 4:1 hesabı ilə qalib gələrək bürünc medalı boynundan asıb.
İsmayıl Rzayev (82 kiloqram) finalda türkiyəli Alperen Berberlə qarşılaşıb. Bu il böyüklər arasında Avropa çempionu olmuş Berberə müqavimət göstərmək mümkün olmayıb – 0:8. Rzayev qitə birinciliyini gümüş medalla başa vurub.
Bənzər xəbərlər
Rusiya idmançıları Paris Olimpiadasından imtina etdilər
Beynəlxalq Olimpiya Komitəsindən (BOK) dəvət alan Rusiya güləşçiləri Parisdə keçiriləcək ... Ətraflı
Avropa çempionatı: Azərbaycan güləş millisi komanda hesabında üçüncü olub
Azərbaycanın yunan-Roma güləşi üzrə milli komandası Serbiyada keçirilən 20 yaşlılar ... Ətraflı