Azərbaycanın qadınlardan ibarət 3x3 basketbol millisi Honqkonqda təşkil olunan Olimpiya Təsnifat turnirində növbəti oyununa çıxıb.

Yığma yarımfinalda Macarıstan kollektivi ilə üz-üzə gəlib.

Rəqibini 21:19 hesabı ilə üstələyən komandamız finala yüksəlib. Finaldakı rəqbimiz Polşa-Niderland oyununun qalibi olacaq.

Final görüşü Bakı vaxtı ilə saat 13:35 'də start götürəcək və CBC sport telekanalı vasitəsilə yayımlanacaq.

Turnirin qalibi Paris-2024 Yay Olimpiya Oyunlarına yeganə vəsiqəyə sahib çıxacaq.