Olimpiya komplekslərində məşqlərə icazə verilir
31 may 2020 615
Gənclər və İdman Nazirliyinin balansında olan Olimpiya İdman komplekslərinin və digər idman təyinatlı obyektlərin açıq havada yerləşən meydança və qurğuları əhalinin istifadəsinə verilir.
Bu barədə Gənclər və İdman Nazirliyinin Nazirlər Kabineti yanında Operativ Qərargahın mayın 29-da növbəti mətbuat konfransında açıq havada idman yarışlarının keçirilməsinin mümkünlüyünü vurğulanmasını əsas götürərək yaydığı açıqlamada qeyd olunub.
Bildirilib ki, federasiyalar tərəfindən Gənclər və İdman Nazirliyinə edilən sifarişlər nəzərə alınaraq, Nazirlər Kabineti yanında Operativ Qərargahın razılığı əsasında idmançıların yoxlanılması, onların xüsusi karantin qaydalarına əməl etmələri və federasiyalar tərəfindən nazirliyə gündəlik hesabatların verilməsi şərti ilə idman növləri üzrə yığma komandaların qapalı şəraitdə müxtəlif Olimpiya İdman komplekslərində məşqlərinə icazə verilib.
İdmançıların regionlardakı Olimpiya İdman komplekslərinə məşqlər üçün ezam olunmaları xüsusi icazə qaydalarına (ezamiyyə icazəsi) əsasən aparılacaq.
Bənzər xəbərlər
Avropa çempionatı: ilk yarış günündə 7 cüdoçumuz tatami üzərinə çıxacaq
Bu gün Xorvatiyanın paytaxtı Zaqrebdə cüdo üzrə böyüklər arasında Avropa ... Ətraflı
Akrobatika gimnastikası üzrə ölkə birinciliyi və Bakı çempionatı start götürüb
Akrobatika gimnastikası üzrə 29-cu Azərbaycan birinciliyi və Bakı çempionatı start ... Ətraflı