Xəbərlər

MOK nümayəndə heyəti Konyadan qayıdıb

23 mart 2022 699

Türkiyənin Konya şəhərində 5-ci İslam Həmrəyliyi oyunlarının missiya rəhbərlərinin 1-ci  görüşü keçirilib. 47 ölkədən 70 nəfərin bilavasitə Konyada daha 9 ölkə nümayəndəsinin onlayn qatıldığı iclasda Türkiyənin Gənclər və İdman nazirinin müavini və Konya -2021-in Baş Əlaqələndiricisi  Halis Yunus Ersöz və İslam Həmrəyliyi İdman Federasiyasının birinci vitse- prezidenti Hamad Kalkaba çıxış ediblər.  Oyunların təşkilatçılıq  məsələlərinə dair açıqlamalar verilib və nümayəndə heyəti üzvlərini maraqlandıran suallar cavablandırılıb. Nümayəndə heyəti üzvləri yarış yerləri, idman obyektləri və Olimpiya kəndində hazırlıq prosesilə ilə yaxından tanış olublar. MOK və İHİF İcraiyyə Komitələrinin və  İHİF-in Əlaqələndirmə Komissiyasının üzvü Könül Nurullayeva da Konyada keçirilən tədbirdə iştirak edib. 5-ci İslam Həmrəyliyi oyunlarının missiya rəhbərlərinin 1-ci  görüşünə  MOK-un idman idarəsinin baş məsləhətçisi Vaqif  Əliyev və Beynəlxalq Layihələr üzrə Komissiyanın katibi Ceyhun Rəhmanov qatılıblar. 
5 -ci Islam Həmrəyliyi Oyunları avqustun 9-18 tarixlərində Konya şəhərində  baş tutacaq.