Çexiyanın paytaxtı Praqada keçirilən Avropa təsnifat turnirində qılıncoynadan Sabina Mikina Rio de Janeiroda keçiriləcək Olimpiya Oyunlarına lisenziya əldə edib.

O, Böyük Britaniya təmsilçisi Katerin Kemp (15:9), almaniyalı Anna Limbax (15:8) və bolqarıstanlı Palina Kaspyaroviç (15:11) üzərində parlaq qələbə qazanaraq yarışın qalibi olub.

Xatırladaq ki, Sabina Mikina ardıcıl ikinci dəfə olimpiadada iştirak hüququ qazanır. O, 2012-ci il London Yay Olimpiya Oyunlarında ikinci qarşılaşmasında ukraynalı Olimpiya, Dünya və Avropa çempionu, eləcə də ötən il Bakı-2015 ilk Avropa Oyunlarının qalibi olmuş Olqa Xarlana məğlub olaraq mübarizəni dayandırıb.