İdman festivalı: Yunan-Roma güləşçilərimiz ilk medallarını qazanıblar
22 avqust 2023 190
Rusiyanın Yekaterinburq şəhərində keçirilən Beynəlxalq Universitet İdman Festivalında Azərbaycanın yunan-Roma güləşçiləri ilk medallarını qazanıblar.
Təmsilçimiz Sərxan Məmmədov (130 kiloqram) qızıl medal uğrunda qarşılaşmada rusiyalı Azamat Gegkiyevlə üz-üzə gəlib. Rəqibinə 2:4 hesabı ilə məğlub olan Azərbaycan güləşçisi gümüş medalla kifayətlənib.
55 kiloqram çəkidə mübarizə aparan Elvin İbadov belaruslu Aleksandr Huryeu üzərində qələbə qazanıb - 6:2. Üçüncü yeri tutan güləşçimiz bürünc medala sahib olub.
Bundan əlavə, Ziya Babaşov (63 kiloqram) rusiyalı Andrey Viotskini 3:0, Xasay Həsənli (77 kiloqram) isə Rusiyanın digər təmsilçisi Aleksey Qavrini 9:0 hesabı ilə məğlub edərək bürünc medal qazanıblar.
Qeyd edək ki, avqustun 31-dək davam edəcək Beynəlxalq Universitet İdman Festivalı Yekaterinburq şəhərinin 300 illik yubileyinə həsr edilib. 36 ölkədən müxtəlif universitetlərin tələbələri 14 idman növündə qüvvələrini sınayırlar.
Festivalda Azərbaycanı 10 təhsil ocağından 54-ü kişi 15-i qadın olmaqla 69 idmançı təmsil edir. Təmsilçilərimiz 8 idman növündə - badminton, stolüstü tennis, boks, güləş, taekvondo, futzal, üzgüçülük, sambo üzrə yarışırlar.
Bənzər xəbərlər
Azərbaycanın qadın boksçuları lisenziya turnirinə Qazaxıstanda hazırlaşacaqlar
Qadın boksçulardan ibarət Azərbaycan millisi Qazaxıstana yollanıb.
Yığma Almatı Olimpiya Hazırlıq ... Ətraflı
Ulu Öndər Heydər Əliyevin xatirəsinə həsr olunmuş futzal turnirinə yekun vurulub
UEFA-nın “Hat-Trick” proqramı çərçivəsində AFFA və Azərbaycan Texniki Universitetinin (AzTU) ... Ətraflı