Boksçularımız Kazandan 5 medalla dönür
04 sentyabr 2021 1001
Rusiyanın Kazan şəhərində keçirilən I MDB Oyunlarında boks yarışları davam edir. Turnirin üçüncü günündə Azərbaycan millisinin 2 oğlan idmançısı rinqə çıxıb.
İlk sınağında Vadim Veçerskiyə (Belarus) qalib gələn Tağı Nəsibov (48 kq) yarımfinalda özbəkistanlı Javohir Kuysinovla qarşılaşıb. Görüş rəqibin qələbəsi ilə başa çatıb. Muinxon Mavlonovu (Tacikistan) mübarizədən kənarlaşdıran İbrahim Zeynalov (50 kq) isə finala gedən yolda rusiyalı Artyom Nazarovla döyüşüb. Qarşılaşma təmsilçimizin məğlubiyyəti ilə bitib.
Beləliklə, yarışa 8 idmançı ilə yollanan yeniyetmələrdən ibarət boks komandamız Oyunları 5 bürünc medalla başa vurub. Nəsibov və Zeynalovla yanaşı, bir gün öncə yarımfinalda uduzan Aysu İsmayılova (48 kq), Qızbəs İsgəndər (57 kq) və Emili Rzayeva (63 kq) da 3-cü yerlə layiq görülüblər.
Bənzər xəbərlər
Stolüstü tennisçimiz Lüksemburqda bürünc medal qazandı
Stolüstü tennisçi Onur Quluzadə daha bir beynəlxalq yarışda fəxri kürsüdə ... Ətraflı
Gənc cüdoçulardan ibarət millimiz Avropa kubokunda iştirak edəcək
Mayın 20-21-də İtaliyanın Liqnano şəhərində cüdo üzrə Avropa Kuboku turniri ... Ətraflı