Beynəlxalq Pençak-Silat Federasiyasının icraçı direktoru Şeyx Alauddin Yakoop Marican ilə görüş keçirilib
03 fevral 2016 447
3 fevral 2016-cı il tarixində Milli Olimpiya Komitəsinin inzibati binasında Beynəlxalq Pençak-Silat Federasiyasının icraçı direktoru, Asiya Pençak-Silat Federasiyasının baş katibi Şeyx Alauddin Yakoop Marican ilə görüş keçirilib. Görüşdə bir sıra məsələlər müzakirə edilib.
Tədbirdə Pençak-Silat federasiyasının Azərbaycanda inkişafından və atletlərin bu idman növündə uğurlarından bəhs edildi. O cümlədən, 2017-ci ildə ölkəmizdə keçiriləcək İslam Həmrəylik Oyunları da müzakirə olundu. Milli Olimpiya Komitəsinin vitse-prezidenti Çingiz Hüseynzadə İslam Həmrəylik Oyunlarının proqramının artıq təsdiqləndiyini və bu proqramda 20 idman növünün yer aldığını bildirib.
Çingiz Hüseynzadə Azərbaycanın pençak-silat idman növünün Olimpiya oyunlarının proqramına salınmasını dəstəklədiyini deyib. Milli Olimpiya Komitəsinin vitse-prezidenti bu məsələnin Beynəlxalq İslam İdman Federasiyasının yaxın vaxtlarda keçiriləcək iclasında federasiya rəhbərliyinin diqqətinə catdırılacağını bildirib.
Bənzər xəbərlər
Stolüstü tennisçimiz Lüksemburqda bürünc medal qazandı
Stolüstü tennisçi Onur Quluzadə daha bir beynəlxalq yarışda fəxri kürsüdə ... Ətraflı
Gənc cüdoçulardan ibarət millimiz Avropa kubokunda iştirak edəcək
Mayın 20-21-də İtaliyanın Liqnano şəhərində cüdo üzrə Avropa Kuboku turniri ... Ətraflı