Azərbaycanın dörd pauerliftinqçisi Avropa çempionu olub
16 oktyabr 2023 391
Azərbaycan idmançıları İspaniyanın paytaxtı Madriddə “Arnold Classic Europe” idman festivalı çərçivəsində keçirilən pauerliftinqin WRPF versiyası üzrə Avropa çempionatında uğurla çıxış ediblər.
140 kiloqram çəki dərəcəsində mübarizə aparan Vüqar Namazov master kateqoriyasında “deadlift” hərəkəti üzrə 330 kiloqram nəticə ilə birinci olub.
Yeniyetmələr arasında mübarizə aparan İlkin Namazov (125 kiloqram) “benç press” hərəkətində 152,5, “deadlift”də isə 230 kiloqram nəticə ilə qızıl medal qazanıb.
Ramil Əhmədov (100 kiloqram) “Open” kateqoriyasında, ümumilikdə 815 kiloqram göstərici ilə Avropa çempionu olub. O, “squat” hərəkətində 310, “benç press”də 205, “deadlift”də isə 300 kiloqramı ram edib.
Azərbaycanın digər təmsilçisi Vüsal Ağalarov (100 kiloqram) isə klassik pauerliftinq üzrə “Open” kateqoriyasında 850 kiloqram göstərici ilə fəxri kürsünün ən yüksək pilləsinə qalxıb.
Bənzər xəbərlər
Azərbaycanın qadın boksçuları lisenziya turnirinə Qazaxıstanda hazırlaşacaqlar
Qadın boksçulardan ibarət Azərbaycan millisi Qazaxıstana yollanıb.
Yığma Almatı Olimpiya Hazırlıq ... Ətraflı
Ulu Öndər Heydər Əliyevin xatirəsinə həsr olunmuş futzal turnirinə yekun vurulub
UEFA-nın “Hat-Trick” proqramı çərçivəsində AFFA və Azərbaycan Texniki Universitetinin (AzTU) ... Ətraflı