Azərbaycan Badminton Federasiyasının prezidenti Taleh Ziyadov milli komandamızın üzvləri ilə görüşüb
29 may 2023 257
Azərbaycan Badminton Federasiyasının prezidenti Taleh Ziyadov cari ilin martından Petronans Malayziya Badminton Akademiyasında 2023-2024-cü illər ərzində fasiləsiz olaraq təlim məşq düşərgəsində iştirak edərək peşəkarlıq səviyyəsini artıran və orta təhsillərini həmin akademiyada davam etdirən yeniyetmələrdən ibarət milli komandamızın üzvləri Ülvi Hüseynov, Əmirxan İmanov və Əminə İsmayılova ilə görüşüb. Badmintonçularımızın akademiyada şəraiti, hazırlıq səviyyəsi ilə maraqlanan Taleh Ziyadov onlara uğurlar arzulayaraq qazanacaqları təcrübənin ölkəmizdə badmintonun inkişafına təkan verəcəyinə inandığını bildirib.
Petronans Malayziya Badminton Akademiyasını ziyarət edən Taleh Ziyadov eyni zamanda Malayziya Badminton Federasiyasının prezidenti Məhəmməd Norza Zəkəriyyə ilə də görüşüb. İşgüzar görüş çərçivəsində gələcək perspektivdə ikitərəfli əlaqələrin inkişaf etdirilməsi məsələsi müzakirə olunub.
Qeyd edək ki, Azərbaycan Badminton Federasiyasının prezidenti Taleh Ziyadov, baş katib Ramil Hacıyev və milli komandanın baş məşqçisi Morteza Validarvi Dünya Badminton Federasiyasının Malayziyanın paytaxtı Kuala-Lumpur şəhərində keçirilən illik toplantısında iştirak edib. Toplantı çərçivəsində Azərbaycan Badminton Federasiyasının prezidenti Taleh Ziyadovla Dünya Badminton Federasiyasının prezidenti Poul-Erik Hoyer Larsen arasında Afrikada badmintonun inkişafına dəstək memorandomu imzalanıb.
Bənzər xəbərlər
Avropa çempionatı: ilk yarış günündə 7 cüdoçumuz tatami üzərinə çıxacaq
Bu gün Xorvatiyanın paytaxtı Zaqrebdə cüdo üzrə böyüklər arasında Avropa ... Ətraflı
Akrobatika gimnastikası üzrə ölkə birinciliyi və Bakı çempionatı start götürüb
Akrobatika gimnastikası üzrə 29-cu Azərbaycan birinciliyi və Bakı çempionatı start ... Ətraflı