Azərbaycan yığma komandası Rio Olimpiadasında əvvəlki Oyunlarla müqayisədə daha geniş tərkibdə – idmanın 18 növü üzrə 56 idmançı (57 lisenziya) ilə təmsil olunub. Ölkəmiz Rio-2016-da triatlon, kamandan oxatma, velosiped və kanoe-slalom idman növlərində ilk dəfə iştirak edib. Ölkəmizi Olimpiadada təmsil edən 56 idmançıdan 36-sı ilk dəfə Olimpiya Oyunlarının iştirakçısı idi. Rioda milli komandamızın bayraqdarı boksçu Teymur Məmmədov olub.

Olimpiya Oyunlarında iştirak edən Azərbaycan atletləri 1 qızıl, 7 gümüş və 10 bürünc olmaqla 18 medal qazanaraq, bu möhtəşəm yarışı medal qazanan ölkələr arasında medalların sayına görə 15-ci, əyarına görə isə 39-cu pillədə başa vurublar. Respublikamız bu yüksək nəticə ilə İslam, Türk və Qafqaz ölkələri arasında lider olub.

Taekvondoçulardan Radik İsayev (+80 kq) qızıl, Patimat Abakarova (49 kq) ilə Miladi Beiqi Herçaqani (80 kq) bürünc, cüdoçular Rüstəm Orucovla (73 kq) Elmar Qasımov (100 kq) gümüş, boksçulardan Lorenzo Sotomayor (64 kq) gümüş, Kamran Şahsuvarlı (75 kq) bürünc, sərbəst güləşçilərdənToğrul Əsgərov (65 kq), Xetaq Qazyumov (97 kq) gümüş, Hacı Əliyev (57 kq), Cəbrayıl Həsənov (74 kq) və Şərif Şərifov (86 kq) bürünc, Yunan-Roma güləşçilərinlərindən Rəsul Çunayevlə (66 kq), Sabah Şəriəti (130 kq) bürünc, qadın güləşçilərdən Mariya Stadnik (48 kq) gümüş, Nataliya Sinişin (53 kq) isə bürünc medala yiyələnib. Avarçəkənlər Valentin Demyanenko birnəfərlik kanoe qayığında 200 metr məsafədə gümüş, İnna Osipenko-Radomskaya isə birnəfərlik kayak qayığı ilə 200 metr məsafəyə yürüşdə bürünc medal əldə edib.