Belarusun paytaxtı Minskdə təşkil olunan II Avropa Oyunlarında Azərbaycan 82 atletlə təmsil olunub. Azərbaycan 5-i qızıl, 10-u gümüş, 13-ü bürünc olmaqla 28 medal qazanaraq 50 ölkə arasında ilk onluqda yer tutub.

Ölkəmizə ilk medalları (2 gümüş, 1 bürünc) akrobatika gimnastlarımız qazandırıblar. Cüdoçularımız mötəbər yarışda 1 gümüş və 4 bürünc medalla başa vurublar. Azərbaycan güləşçiləri Minsk-2019-u ümumilikdə 10 medal əldə ediblər. Onlardan 3-ü qızıl, 3-ü gümüş, 4-ü bürünc olub. Karateçilərimiz II Avropa Oyunlarını 5 medalla (1 qızıl, 3 gümüş, 1 bürünc ) tamamlayıblar. Boksda da idmançılarımız ölkəmizin hesabına 2 medal (1 qızıl və 1 bürünc) medal yazdırıb. Sambo yarışlarında ölkəmiz 3 medal ( 1 gümüş, 2 bürünc) qazanıb.