Azərbaycanı yarışlarda 101 atlet təmsil edib. I İslam Həmrəyliyi Oyunlarının təntənəli açılış mərasimində ölkəmizin üçrəngli bayrağını gənclər arasında taekvondo üzrə Avropa çempionu İlkin Şahbazov aparıb. 

Ölkəmizin yığma komandası oyunlarda 12 idman növündə - basketbol, voleybol, həndbol, su polosu, tennis, atletika, ağırlıqqaldırma, taekvondo, stolüstü tennis, karate, qılınc oynatma və üzgüçülükdə qüvvələrini sınayıblar.

Azərbaycan Məkkədən vətənə 15 medalla - 4 qızıl, 4 gümüş və 7 bürünc qayıdıb. Qızıl medalları Azərbaycana ağır atletlər Natiq Həsənov və Nizami Paşayev, karateçi Rəfael Ağayev,  həmçinin Azərbaycan basketbol yığması qazandırıb. 

I İslam Həmrəyliyi Oyunlarında Azərbaycan yığması medalların əyarına görə komanda hesabında 8-ci yeri tutub.